Abanyeshuri biga mu mwaka wa gatandatu n’abo mu wa kane w’amashuri yisumbuye mu ishuri rya rya Mbarara High School muri Uganda, bashyamiranye bararwa, bituma bahita bahambirizwa ngo batahe mu gihe cy’ibyumweru bibiri.
Aba banyeshuri bahagaritswe kuri uyu wa Kane tariki 23 Kamena 2022 nyuma yuko bashyamiranye bakarwana bapfa kuba hari bamwe bari bahohoteye umwe muri bagenzi babo.
Byatumye aba banyeshuri barwana inkundura aho muri iyi mirwano hakomerekeyemo abanyeshuri 11 bo mu mwaka wa kane.
Abanyeshuri 10 mu bakomeretse, bahise bajyanwa kuvurirwa ku bitaro bya Ruharo naho undi umwe ajyanwa mu bitaro bikuru bya Homily biri i Mbarara.
Samson Kasasira uvugira Polisi ya Uganda mu gace ka Rwizi, yatangaje ko abanyeshuri bo muri iyi myaka ibiri y’amashuri bose bahise boherezwa iwabo mu gihe cy’ibyumweru bibiri nk’igihano cy’ibi bikorwa bitemewe bakoze.
RWANDATRIBUNE.COM
