Shinzo Abe wabaye Minisitiri w’Intebe w’Ubuyapani yishwe arasiwe mu ruhame ubwo yagezaga imbwirwaruhame ku baturage.
BBC ivuga ko Shinzo Abe w’imyaka 67 yarashwe amasasu 2 arasiwe ku muhanda wo mu gace ka Nara aho yarimo kugeza ijambo ku baturage.
Polisi yafashe uwitwa Tetsuya Yamagami wiyemerera kwica Shinzo Abe, anabvuga ko yari amaze igihe amufitiye inzika.
Iraswa rya Shinzo ryamaganwe na Minisitiri w’Intebe Fumio Kishida wavuze ko ari igikorwa cyuje ubunyamaswa kidakwiye kwihanganirwa mu Buyapani.
Shinzo Abe yabaye Minisitiri w’Intebe w’Ubuyapani kuva 2012 kugeza mu mwaka 2020 ubwo yasimburwaga na Yoshihide Shuga nawe waje gusimburwa na Fumio Kishida mu mwaka 2021.
