Abanyamategeko b’umuryango w’uwahoze ari Perezida wa Angola Eduardo dos Santos bamaganiye kure gahunda ya leta ya Angola yo gutahana umurambo we muri Angola kugira ngo ashyingurwe mucyubahiro murwego rwa Leta, binyuranyije n’icyifuzo uyu wahoze ari Perezida yari yaratanze cyuko azashyingurwa n’umuryango we muri Espagne.
Eduardo dos santos yapfuye ejo bundi kuwa 08 Nyakanga ,apfira mubitaro biri mu mujyi wo muri Espagne ,aho yari yagiye agiye kwivuriza. Nyuma y’urupfu rwe umukobwa wa nyakwigendera Tchizé dos Santos , yasabye ko bamukorera isuzuma bakamenya icyamwishe.
Nyuma y’uko abisabye ,Urukiko rw’i Barcelona muri Espagne rwatanze uruhushya rwo gukora isuzuma ku murambo wa José Eduardo dos Santos wahoze ari Perezida wa Angola, kugira ngo hamenyekane icyamwishe.
Umukobwa wa nyakwigendera Tchizé dos Santos yavuze ko se yagambaniwe hagamijwe kuburiza mo ubufasha yashoboraga guha abatavuga rumwe n’ubutegetsi mumatora ateganijwe mukwezi gutaha kwa Kanama uyu mwaka. We rero agahamya ko ashobora kuba yaragambaniwe ngo yicwe.
Uyu mugabo Dos Santos yabaye Perezida wa Angola mu gihe cy’imyaka hafi 40, kugeza mu mwaka wa 2017.
Eduardo dos santos apfuye afite imyaka 79 akaba ari umwe mubari bashyigikiye abatavuga rumwe n’ubutegetsi buriho muri Angola.
Umuhoza Yves
