Noël Tshiani, Umunyapolitiki utavugarumwe n’Ubutegetsi bwa Perezida Tshiskedi yamusabye ko abanza kwerekena aho amafaranga Kamarhe yarezwe kunyerezwa ari, nyuma y’uko urukiko rubuze ibimenyetso bimushinja rukamugira umwere.
Noël Tshiani, avuga ko mbere y’uko Tshisekedi atangira gutekereza kwiyamamaza mu matora yo muri 2023, agomba kubanza yishura cyangwa akagaragaza aho amafaranga agera kuri miliyoni 50 z’Amadorali yari yaragenewe umushinga w’Iminsi 100 Tshisekedi yashinze Kamerhe ubwo yari akimara gufata ubutegetsi yarengeye.
Yagize ati: “ Hari abanyeshuri mperutse gusura kuri Kaminuza bambwira ko ngomba kubabariza iki kibazo. Ese amafaranga bivugwa Kamerhe yanyereje ko yagizwe umwere yagiye he?Niba Perezida atasubiza iki kibazo, amatora yo muri 2023 agomba gusiga ubuyobozi bubi buvuyeho”
Ibi abisabye nyuma y’uko Vital Kamerhe wahoze ayobora ibiro bya Perezida Tshisekedi agizwe umwere n’urukiko rwabuze ibimeyetso ku byaha yaregwaga byo kunyereza ako kayabo k’amafaranga yiswe ay’Umushinga w’Iminsi 100.
Noël Tshiani wahanganye na Tshisekedi mu matora yo muri 2018, afatwa n’ihuriro rya Tshisekedi(Union Sacrée) nk’umugabo utifuriza ineza igihugu. Mu gihe abenshi mu baturage bakunze kumufata nk’umwe mu bagabo bakora ubucukumbuzi ku bibazo by’igihugu byirengagijwe.
