Umuvugizi w’igisirikare cya M23 (Arme Revolutionnaire Congolaise) Majoro Willy Ngoma yifotozanyije n’abana bo muri Gurupoma ya Bukima, Teritwari ya Rutshuru mu ntara ya Kivu y’Amajyaruguru baherujka kwigarurira.
Mu mafoto agaragara, Majoro Ngoma agaragara ahagaze iruhande rw’imodoka iriho ibirango bya FARDC. Mu kumenya byinshi kuri iyi Modoka Majoro Ngoma n’aba bana bifotorejeho twabashije kumuvugisha atubwira ko iyi modoka ari imwe bambuye uwari Komanda wa Operasiyo Socola 2 Maj Gen Peter Cirumwami.
Yanagarutse ku buryo bayimwambuye, aho yari avuye kuyobora urugamba mu duce tumwe na tumwe tw’umujyi wa Bunagana twari tutarafatwa yavayo agasanga bamuteze igico cyaje no guhitana uwari umurinzi we, Majoro Eric Kiraku Mwisa .
Si ubwa Mbere Majoro Ngoma wa M23, yifotozanya n’abana, dore ko no mu minsi yashize ubwo M23 yari imaze gushinga ibirndiro mu gace ka Kanombe, Majoro Ngoma yasuye abaturage akifotozanya n’aba b’abakobwa 2 mu rwego rwo kubereka ko M23 itaje kubangiriza umutekano ahubwo ko ije nk’umurinzi wabo.
RWANDATRIBUNE.COM
