Umwe mu bakina umukino wo gusiganwa ku magare witwa Rab Wardell nyuma y’iminsi ibiri yegukanye shampiyona ya Ecosse mu magare yabuze ubuzima mu ijoro ryo ku wa 23 Kanama 2022, azize indwara y’umutima.
Mugenzi we Katie Archibald ni we watangaje aya makuru avuga ko yagize ikibazo cy’umutima guhumeka bitangira kugorana kugeza ubwo ashizemo umwuka.
Uyu mukinnyi Rab yatangiye umukino wo gusiganwa mu misozi ku magare nk’uwabigize umwuga, uyu mwaka. Rab Wardell yitabye Imana nyuma y’iminsi ibiri atwaye shampiyona y’amagare muri Écosse.
Mu itangazo Ishyirahamwe ry’Umukino w’Amagare muri Écosse ryavuze ko buri muntu ufite aho ahuriye n’umukino w’amagare muri Écosse, ababajwe n’urupfu rwa Rab Wardell.
Iri tangazo ryagiraga riti “Rab yari umunyonzi utangaje, inshuti, amabasaderi wa siporo yacu, azakumburwa na buri wese. Dukomeje kwihanganisha umuryango n’inshuti muri ibi bihe bikomeye.”
Uwineza Adeline
