Nyuma y’amezi 5 inyeshyamba zishamikiye ku ishyaka TPLF zigiranye amasezerano na Leta ,hamwe n’ingabo za Leta mu gutanga agahenge, kugira ngo imfashanyo ihabwa abavanywe mubyabo n’intambara ibagereho, gusa kugeza ubu izi nyeshyamba na Leta bari kwitana ba mwana k’uwaba yongeye gutangiza intambara yadutse muri kariya karere.
Nk’uko byatangajwe n’ibiro ntaramakuru bya leta ya Ethiopia bavuze ko abo barwanyi barenze ku gahenge ko katumaga hatangwa imfashanyo kari kariho guhera mu kwezi kwa gatatu bongera gutangiza intambara.
Iri tangazo rya leta ya Ethiopia risohotse mu gihe aba Banya-Tigray bashinje leta ko mu gitondo cyo kuri uyu wa gatatu yabagabyeho ibitero mu birindiro byabo byo mu majyepfo, ivuye mu karere baturanye ka Amhara.
Uku gushinjanya kwerekana ko nyuma y’amezi y’agahenge, impande zombi ubu ziri mu mirwano.
Itangazo rya leta ya Ethiopia ryongeyeho ko igisirikare n’inzego zishinzwe umutekano barimo gusubiza “neza” ku bitero.
Hari ubwoba ko ibi birimo kuba bishobora guhuhura amakuba y’imibereho yibasiye iki gihugu cyo mu ihembe ry’Afurika kuva intambara yatangira mu kwezi kwa cumi na kumwe mu 2020.
N’ubwo bimeze gutya ariko iyi ntambara imaze kwicirwamo abaturage benshi b’abasivile ,ndetse n’abandi batari bake bakaba bagiye kwicwa no kutagira icyo barya.
Umuhoza Yves
