Uwahoze ari Perezida wa Repubulika ya Demokarasi ya Congo, joseph Kabila Kabange bakunze kwita Raïs, bikomeje kuvugwa ko ashobora gutabwa muri yombi n’inzego z’umutekano za DRC.
Ni inkuru zatangiye gucicikana ku mbuga nkoranyambaga kuri uyu wa 23 Kamena, bavuga ko Joseph Kabila ashobora gutabwa muri yombi, kubera impamvu za Dipolomasi.
Ni ibintu byateye impungenge abo mu ihuriro rya FCC, nk’uko aya makuru dukesha Ikinyamakuru cya News CD kibivuga, aho cyatangaje ko hari gahunda zo mwibanga hejuru mu butegetsi bwa Perezida Felix Tshisekedi zo kugirira nabi Kabila Joseph.
Gusa icyaba gitera ubutegetsi bwa Perezida Félix Tshisekedi, kwishisha uwahoze ari Perezida Joseph Kabila Kabange, kugeza ubwo bivugwa ko ashobora gutabwa muri yombi ntikiramenyekana ariko mu minsi ishize bwana Kabange aherutse gutangaza ko ashaka kuvuga. Ni mu gihe yari amaze iminsi myinshi acecetse .
Ubwo Joseph Kabila, aheruka kujya mwitangaza makuru yashinje Perezida Félix Tshisekedi, kuroha Igihugu mu kaga maze asaba Abanyapolitike ba Congo guhaguruka bagashakira Igihugu amahoro.
Joseph Kabila Kandi aheruka gutangaza ko nawe ari mu baziyamamariza umwanya w’umukuru w’igihugu mu matora ateganijwe kuba uyu mwaka mu kwezi k’Ukuboza.
Ni amatora atavugwaho rumwe n’abanyaPolitike batavuga rumwe n’ubutegetsi bwa Tshisekedi, aho bashinja ubutegetsi buriho kuyategura nabi.
Aya matora kandi abo muri Kiliziya Gatolika ubwo bari mu nama i Lubumbashi batangaje ko batizeye neza uburyo aya matora arimo gutegurwa maze bamagana ubutegetsi buriho, barangije babasaba ku byitwaramo neza kugira ngo bitazahungabanya umutekano w’iki gihugu cya Republika ya Demokarasi ya Congo.
Nubwo joseph Kabila ashinja ubutegetsi buriho koroha igihugu, agasaba abanyapolotiki guhaguruka bagashakira igihugu amahoro.Abandi bavuga ko ariwe wagitabye mu nama ubwo yasinyaga amasezerano n’umutwe w’inyeshyamba wa M23 yo kuyiha ibice bimwe bw’igihugu cya Congo.bagakomeza bahamya ko ariwe watumye igihugu kijya mu kaga kirimo ubu.
