Inyuma y’inyinyurana rimaze iminsi rivurwa mu mugambwe ukomeye muyitavuga rumwe na reta ya Gitega ariwo CNL, inyinyurana rishobora no gutuma uyo mugambwe usambuka.
Umukuru wuwo mugambwe umushingamateka Agathon RWASA yaraye agize urugendo rwamushikanye I zanzibar mugihugu ca Tanzaniya, aho yabonanye n’icegera c’umukuru wa reta ya Zanzibar OTHMAN MASOUD OTHMAN.
Icatanganje abatari bake ariko ni uko umupolisi yitwa Jean-Claude NDAYISENGA yaretse Agathon RWASA ngo arengane kukibuga c’indege ca Bujumbura ari naho yuririye indege, yaciye atabwa muri yompi n’ibiro vy’iperereza ry’Uburundi.
Aha rero bamwe n’abandi bakibaza nimba uyo mushingamateka arongoye umugambwe CNL udacana uwaka n’umugambwe uri kubutegetsi CNDD-FDD yoba atarekuriwe kurenga imbibe z’uburundi, canke kwoba ari ukumutera ubwoba ngo ntagaruke mu gihugu.
