Abantu bane nibo bamaze kumenyekana mu mirwano yahanganishije inyeshyamba za M23 n’imitwe ya RUD URUNANA Wazalendo na MPA Wazalendo
Nkuko byemezwa na Jean Pierre Bugindo Umuyobozi w’ishuri ribanza rya Ecole Primaire Rugarama,riherereye mu gace karimo kuberamo imirwano,mu kiganiro yagiranye na Rwandatribune avuga ko ,uduce twa Rugarama,Ngwenda ndetse na Nyabanira hakomeje kuba imirwano kuva kuwa kane w’iki cyumweru.
Uyu muyobozi avuga ko hafi n’umugezi wa Ngwenda ugana muri Rutchuru habaye kurasana hagati y’abarwanyi ba RUD URUNANA bayobowe na Ajida Yasolo n’umutwe batabashije kumenya uwari wo bikekwa ko ari abarwanyi biyomoye kuri FDLR mu mezi asize,muri iyi mirwano yo kuwa kane abarwanyi babiri ba RUD URUNANA barishwe abanda barakomereka bakaba bari kuvurirwa ahitwa Nyarimirima hasanzwe hagenzurwa n’ingabo za Leta.
Isoko y’amakuru ya Rwandatribune iri ahitwa Kitagoma nayo yemeje aya makuru ikaba ivuga ko inyeshyamba za MPA ziyobowe na Lt.eric Bushoro zarasanye n’abarwanyi ba M23 mu gace ka Rugarama ,ni muri Busanza mu ntera ya 20Km ugana muri Centre ya Rutschuru,aho bivugw ako abarwanyi ba MPA baba biciwe muri iyo mirwano abanda bagakomereka.
Twashatse kumenya icyo umutwe wa MPA ubivugaho k’umurongo wa telephone duhamagara uwitwa Kabashi usanzwe ari Umuvugizi wabo ntitwabasha kumubona kugeza ubwo twandikaga iyi nkuru,umutwe wa MPA WAZALENDO ugizwe n’abarwanyi biyomoye kuri Mai Mai CMC/FDP ya Gen.Domi ,uyu mutwe ukaba ukorana bya hafi n’abarwanyi ba RUD URUNANA,ku rwego rwa gisilikare uyobowe na Col.Jeanvier Niyo ,wungirijwe na Lt.Eric Busholi mu gihe ku rwego rwa politiki uhagarariwe na Kabashi.
Mwizerwa Ally
