Perezida wa Madagascar Andry Rajoelina azagirira uruzinduko mu Rwaa mu cyumweru gitaha, aho azagirana ibiganiro bakanasangizanya ubunararibonye na Perezida w’u Rwanda Paul Kagame.
Mu minsi ishize uyu mu Perezida yitabiriye inama mpuzamahanga ku iterambere ry’imari yabereye muri Tanzanie, i Dar-es-Salam, uyu mukuru w’igihugu azongera kwambuka umuyoboro wa Mozambike kugira ngo ajye i Kigali.
Uruzinduko rwa Perezida Andry Rajoelina ruzaba kuwa 7 n’uwa 8 kanama 2023, ruzaba umwanya wo gusangizanya ubunararibonye hagati y’ibihugu byombi. Madagasikari ishobora gukura imbaraga mu cyitegererezo cy’iterambere cy’u Rwanda, rwashyize mu bikorwa ivugurura rikomeye ry’ubukungu n’imiterere kandi rukomeza iterambere rirambye mbere yo kwibasirwa n’icyorezo cya Covid-19 hanyuma n’intambara yo muri Ukraine nko ku kirwa kinini.
U Rwanda kandi rwabaye icyitegererezo cy’umutekano wa politiki kubera jenoside yakorewe abatutsi mu 1994, yatumye guverinoma ya Paul Kagame ikuraho amoko yose ku mibare yemewe. Igipimo gishobora no kuba urugero kuri Madagasikari aho impamvu z’amoko zikunda gutumira, ndetse zikagira uruhare mu rwego rwa politiki, cyane cyane mu gihe cy’amatora ya perezida.
Ibyo ari byo byose, Madagasikari yahisemo gutangira inzira yo kwiyegereza ibihugu byo muri Afurika kugira ngo igire uburambe nk’ubw’u Rwanda rwifuza kugira ubukungu bwinjiza amafaranga menshi no kuba mu bihugu byinjiza amafaranga menshi muri Afurika.
Uwineza Adeline
