Ubuyobozi bwa Etat de Siège, bwari bwarashizweho na Perezida Félix Tshisekedi, mu minsi ishize, ubwo yibwira ko ubu buyobozi bwari busimbuye ubwa Gisivile ko buzazana impinduka mu Ntara ya Kivu y’Amajyaruguru na Ituri, barasaba ko bwakurwaho kuko ntacyo bumaze.
Ibi byavugiwe mu nama iri kubera mu murwa mukuru wa Congo I Kinshasa, aho abenshi bayitabiriye basabye ko ubuyobozi bwa Gisivile bugaruka muri izi Ntara vuba na bwangu.
Umunyapolitiki witwa Luc Malemba akaba umuvugizi w’ishyaka rya ECIDE riyobowe na Martin Fayulu witabiriye iyo nama iri kubera mu murwa mukuru wa Repubulika ya Demokarasinya Congo I Kinshasa yiga ku kibazo cya Etat de Siege, yavuze ko “ Etat de Siège,yakurwaho hagasubizwaho, ubutegetsi bwa Gisivile kuko ari ntacyo izageraho usibye guhombya ikigega cya leta ya Congo gusa.”
Ni ibintu byagarutsweho n’Abayobozi batandukanye bitabiriye iyo, aho basabye ko Etat de Siège, yavanwaho hakajyaho ubutegetsi bwa Gisivile. Iyi nama yateranye kuva kuwa 14 Kanama 2023 ikaba igikomeje, kugeza ubu.
Amakuru akomeza avuga ko Abanya politike bavuka mu Ntara ya Ituri na Kivu y’Amajyaruguru, barigusaba kandi ko mbere y’uko Etat de Siège, ikurwaho habanza kugarurwa abasirikare bahoze baba muri izi Ntara, ahanini abasaba ibi akaba ari abavuka mu Ntara ya Ituri. Bikavugwa ko izo ngabo zisabwa kugarurwa muri Ituri bari baroherejwe kurwanya umutwe wa M23.
Uwitwa Moïse Alyegere, ukuriye Ishyaka rya MLC, we yasabye ko Etat de Siège, bayishyiraho igitutu maze igakomeza kubaho ariko ikambura imbunda abarwanyi bose ba barigwa muri izi Ntara iya Ituri na Kivu y’Amajyaruguru.
Abandi nabo murabo bayobozi bakomoka mu Ntara ya Ituri, bavuga ko amahoro yaratangiye kugaruka buhoro buhoro, nyuma y’aho Imitwe yitwaje intwaro, yari iheruka gukorana amasezerano y’amahoro n’ingabo za Repubulika ya Demokarasi ya Congo, mu Ntara ya Ituri.
Nyuma yayo masezerano impunzi zigera 12000, zarizimaze gusubira mu mihana yabo iherereye kubirometero 120 mu m’Ajyepfo ya Bunia muri territoire ya Irumu.
Ako gahenge bakemezako bagakesha ingabo za Uganda ziri gukorana n’iza Congo (FARDC), ziri muri ibyo bice mu rwego rwo kurwanya Inyeshamba zo mu mutwe wa ADF.
Uwineza Adeline
