Gahunda ya Girinka munyarwanda ni gahunda yatangiye 2006 itangijwe na perezida Paul Kagame ,iyi gahunda rero ngo igiye kujya ikorana n’umuntu ufite aho ahinga ubwatsi bw’inka azajya ahabwa.
Nkuko byasobanuwe na Minisitiri w’ubuhinzi n’ubworozi, Musafiri Ildephonse ,aho yagize ati’’inka ntigomba gutungwa n’umuntu udafite aho yatera ubwatsi ,ibi yabivuze ashaka kugaragaza ko udafite byibuze na metero kare 1000 zo guteramo ubwatsi atazongera guhabwa inka .
Aho yagaragaje ko igituma inka zimwe na zimwe zitagira ubuzima bwiza ,aruko ntabwatsi buhagije ziba zabonye .ariyo mpamvu habaho no kuba zagurishwa kandi ataricyo ziba zatangiwe .kuko ngo udafite na metero kare imwe y’umurima iyo nka abayahawe idashobora kubaho .
Musafiri yakomeje agaragaza imbogamizi zakomeje kugenda zibaho muri iyi gahunda ya Girinka ati’’ubundi inka dutanga tuba twaraziyororeye nka leta,hari izigurwa mu masoko ,cyangwa izo abatera nkunga bagura bashaka koroza abanyarwanda.aho bavuze ko hari iziza zihatse nyamara nyuma zikaza kuba ingumba ,cyangwa ikaba idakingiwe ikibagarira cyaza kikazica .
Mu ngamba zafashwe rero bavuze ko bagiye kujya batanga izikingiwe ikibagarira, kandi ko bagiye kujya batanga izihatse kandi na none zarishyuriwe ubwishingizi byibura bw’umwaka umwe kugira ngo uhawe inka ajye ayitwara afite icyizere cy’uko ajyanye inka nzima.
Niyonkuru Florentine
