Ishimwe Dieudonne uzwi ku mazina ya prince kid umaze igihe akurikiranyweho ibyaha byo gukoresha abakobwa babaga bitabiriye Miss Rwanda imibonano mpuzabitsina ku gahato, hamenyekanye, umunsi azakoreraho ubukwe bwe, nyuma yo gusezerana mu rukiko kuwa 02 Werurwe uyu mwaka.
Uyu musore w’icyamamare wari umaze imyaka ategura irushanwa rya Miss Rwanda , nyuma yo gukurikiranwa ho ibi byaha ndetse akajyanwa no muri gereza, prence kid yashyize hanze umunsi azabaniraho na Iradukunda Elisa yeguriye ubuzima bwe bwose.
Umuhango wo gusezerana mu mategeko wabereye mu Murenge Rusororo mu Karere ka Gasaboaho ni mumujyi wa kigali.
Prince Kid kuri uyu wa 01 Nzeri nibwo azakora imihango yose yo gusaba ndetse no gushyingirwa.Ni umuhango uteganyijwe kubera ku Intare Conference Arena,ari naho ibirori bindi by’ubukwe bizabera.
Amakuru avuga kandi ko mu mpera z’iki cyumweru yakorewe ibirori byo gusezera ubukumi bizwi nka”Bride Shower”
Urukundo rw’aba bombi rwavuzwe cyane cyane mu ifungwa rya Prince Kid ubwo Miss Iradukunda Elsa yagaragazaga inyandiko zafashwe nk’impimbano zishinjura Prince Kid ku byaha yari akurikiranyweho ndetse na we akaza kubifungirwa igihe gito akaza kurekurwa nyuma.
Miss Iradukunda yongeye kugaragara ajya kwakira Prince Kid ubwo yarekurwaga avuye mu igororero rya Mageragere, ababibonye bashimangira urukundo rwabo.
Aba bombi bagiye bagaragara bari kumwe haba mu bitaramo ndetse n’indi myidagaduro ariko ntibifunze kubigaragaza cyane ko bari mu Rukundo, ndetse bakirinda kugaragaragara mu itangazamakuru.
Nyuma y’ifungurwa rye, ku mbuga nkoranyambaga hari abagiye basaba ko Kid yahita arongora Iradukunda Elissa.
Niyibigira Schadrack
