Musinguzi Frank wari warariganyijwe hoteri na Rtd Col Mabano Joseph, ubu yasubiye mu maboko ye ndetse akaba yemeza ko yamaze no kubona ibyamngombwa bwayo bimwanditseho nk’uko abyemerwa n’amategeko.
Ubwo Perezida Kagame yari mu birori byo kwizihiza imyaka 10 ya YouthConnekt, kuwa 23 Kanama 2023, Musinguzi Frank yamugejejeho ikibazo gishingiye kukuba yarambuwe hoteri ye bikozwe na Rtd Col Babano Joseph.
Nyuma y’ibyumweru bibiri gusa Perezida Kagame amwijeje kumucyemurira ikibazo ndetse agasubirana Hoteri ye, kuri ubu Musinguzi Frank yatangaje ko imvugo yabaye ingiro kuko yamaze Rtd Mabano Joseph yamaze kumusubiza moteli ye ndetse akaba yamaze kubona n’icyangombwa cyayo .
Icyokoze Musinguzi Frank, yavuze ko nta ndishyi yahawe cyane ko iyo motel yari amaze igihe ayiguze kandi Rtd Col Mabano akaba yarayibyazaga umusaruro.
Mu kiganiro yagiranye n’ikinyamakuru igihe Musinguzi Frank yagize ati:” ‘‘Ibyangombwa byanjye nabihawe, ndashimira Umukuru w’Igihugu, Paul Kagame kuko ni we mbikesha, ni umubyeyi uharanira iterambere ry’urubyiruko.’’
Yakomeje agira ati:” ‘Ntabwo hajemo indishyi, icya mbere ni ugukemura ikibazo kandi ndashimira ubuyobozi bw’igihugu ko cyakemutse. Ikigiye gukurikiraho ni ugukora no kwishyura inguzanyo y’abandi.’’
Moteli ya Musinguzi Frank , iherereye mu Mudugudu wa Urwibutso, Akagari ka Rwimbogo, Umurenge wa Nyarugunga mu Karere ka Kicukiro.
Claude HATEGEKIMANA
Rwandatribune.com
