Umukuru w’igihugu cy’u Rwanda Paul Kagame yagize Dr. Jimmy Gasore, umuyobozi mushya wa Minisiteri y’Ibikorwa Remezo. Dr jimmy asimbuye Dr. Ernest Nsabimana wari kuri uwo mwanya kuva kuwa 31 Mutarama 2022.
Dr. Jimmy Gasore asanzwe ari inzobere mu bijyanye n’ubumenyi bw’Isi ndetse n’isanzure (Earth, Atmospheric and Planetary Sciences), akaba abifitemo impamyabumenyi y’ikirenga (PhD) yakuye muri Kaminuza ya MIT (Massachusetts Institute of Technology) yo muri Leta Zunze Ubumwe z’ Amerika.
Dr. Ernest Nsabimana yari yagizwe Minisitiri w’Ibikorwa Remezo asimbuye Claver Gatete wagizwe Ambasaderi w’u Rwanda mu Muryango w’Abibumbye i New York.
Icyo gihe Amb. Claver Gatete yari Minisitiri w’Ibikorwa Remezo guhera mu mwaka wa 2018, umwanya yagiyeho amaze igihe yari Minisitiri w’Imari n’Igenamigambi guhera mu mwaka wa 2013 kugera muri 2018.
Uwineza Adeline
