Ku bufatanye n’umushinga NICE ushyirwa mu bikorwa na Sight and Life, Madam Uwineza Francine, umuyobozi w ‘ishami ry’ubuzima yafunguye inama iganira ku gukomeza kunoza imirire no gushyira mu bigo by’amashuri na clubs zo kunoza imirire n’isuku .
Ni inama igamije kurebera hamwe imirire y’abanyeshuri mu bigo, imbogamizi ziba mu mirire y’abanyeshuri, bashishikariza na clubs zo mubigo hagamijwe gukuraho burundu inzitizi izarizo zose mu mirire y’abanyeshuri.
Uwineza yagize ati”ni ngombwa ko imirire y’abanyeshuri yigwaho Kandi ikitabwaho, ni mu gihe hagomba gitegurwa neza imirire y’abanyeshuri mu bigo, hitabwaho cyane abatabona ubwishyu bwo kwishura school feeding, twita cyane ku isuku ndetse dushyiraho n’amatsinda y’abanyeshuri (clubs) abivugaho bihagije, Ari ibyiza by’imirire yo ku ishuri cyangwa imbogamizi ibibamo.
Avuga Kandi ko abanyeshuri bakwiriye kunyurwa n’ibiryo ikigo kiba cyabateguriye ni mu rwego rwo kurwanya abajya barenga ikigo bajya kurya hanze y’ikigo Kandi uzafatwa agomba kubihanirwa.
Gahunda y’imirire ku bigo by’amashuri ni gahunda yashyizweho na leta , Kandi bigomba gukurikiza uko byaba kose, kuko ni gahunda yo guhuriza abanyeshuri hamwe mu rwego rwo kubanganya, ndetse no gusigasira kwiga kwabanyeshuri kwiza kutarimo inzara.
Niyonkuru Florentine
