Nyuma y’uko Perezida w’Inteko Ishinga Amategeko wa Canada Anthony Rota arase ibigwi by’umwe mu babaye mu ishyaka rya Adolf Hitler wayoboye Ubudage.
Adolf Hitler wayoboye ishyaka ry’aba Nazi ryanakoze Jenoside yakorewe Abayahudi, ndetse akaza no guteza intambara ya 2 y’isi yose, intambara yarangiye igihe yari amaze kupfa.
Ibi byabaye mu cyumweru gishize ubwo Perezida wa Ukraine, Volodymyr Zelensky yasuraga Inteko Ishinga Amategeko mu ruzinduko yagiriye muri Canada.
Anthony Rota yumvikanye abwira Perezida Zelensky ko hari umwimukira wo muri Ukraine utuye mu karere ke afata nk’intwari.
Nyuma byaje gutahurwa ko uyu musaza Anthony Rota yavugaga ibigwi yabaye mu mutwe w’igisirikare wakoranaga bya hafi n’aba-Nazi. Ibi byakuruye impaka hirya no hino ku Isi, abantu bagaragaza ko ibyo Anthony Rota yakoze ari ukuvuga ibigwi abantu bakoreye Jenoside Abayahudi.
Nyuma y’iki gitutu, ku wa Kabiri tariki 27 Nzeri, Anthony Rota yavuze ko yeguye ku mwanya wa Perezida w’Inteko Ishinga Amategeko.
Ati “N’umutima uremerewe ndifuza kumenyesha abagize Inteko Ishinga Amategeko ubwegure bwanjye nka Perezida w’Inteko.”
Nyuma y’ubu bwegure bwe yasabye imbabazi abumvise amagambo ye bose ndetse n’abandi bose bari ku isi yose.
Kuvuga neza umwe mu babaye mu ngoma y’Adolf Hitler kuko amabi yakoze yose iyo umuvuze mu izina cyangwa ugakorana n’ababanye nawe, bituma imitima ya benshi yongera gukomereka.
Adeline Uwineza
Rwanda tribune.com
