Perezida wa Kiyovu Sports Association, Ndorimana Jean François Régis ‘Général’, yavuze ko umunyamategeko w’ikipe ari gukurikirana ibijyanye n’ideni iyi kipe yishuzwa na IGITEGO Hotels
Mu ijoro ryo kuwa Kabiri nibwo hagiye hanze urwandiko iyi Hoteli yandikiye Kiyovu Sports iyishyuze miliyoni zisaga 153 FRW yakoreshejwe mu mwaka ushize w’imikino.
Nubwo bivugwa ko ayo mafaranga ari menshi cyane,Perezida wa Kiyovu Sports yabwiye abanyamakuru ko umunyamategeko w’ikipe ari kubikurikirana.
Ati “Kiyovu Sports ifite umunyamategeko uri kubikurikirana neza,biri mu nzira nziza kandi byose bizajya ahagaragara.”
Uyu mugabo uheruka guteranya inama yirukanye Juvenal Mvukiyehe mu ikipe,yavuze ko ikipe abereye umuyobozi itubakiye ku muntu umwe ndetse ko ngo ubona Kiyovu Sports mu mboni za Juvenal cyangwa we amufata nk’udasobanukiwe.
Perezida wa Kiyovu Sports Association, Ndorimana Jean François Régis ‘Général’, yavuze ko Mvukiyehe Juvénal adakwiye gukomeza guhagararira Kiyovu Sports mu Nama y’Ubutegetsi ya Rwanda Premier League kuko atagishinzwe imicungire yayo.
Yavuze ko ariko umwanzuro wabyo uzaturuka mu nama y’inteko rusange.
Mucunguzi Obed.
