Mu karere ka Karongi Abasore babiri basanzwe mu nzu bararagamo bapfuye , biraKekwa ko baba bishwe n’imbabura.
Mu gitondo cyo kuri uyu wa 28 Nzeri nibwo humvikanye inkuru y’incamugongo, aho bivugwa ko abasore babiri basanzwe mu nzu bararagamo bapfuye, aho bikekwa ko baba bishwe n’imbabura yariri kwakira hafi yaho bararaga.
Ni Abasore bo mu Mudugudu wa Kamuvunyi, Akagari ka Gacaca mu murenge wa Rubengera.bazwi ku mazina ya Niyomugabo Karim w’imyaka 17 na Ishimwe James w’imyaka 20.
Abavandimwe b’aba basore bavuze ko bakimara kubona igihe kirenze kucyo abo bahungu babyukiraga , bamaze no kubahamagara bababuze hafashwe umwanzuro wo kumena urugi, basangwamo bapfuye.
Amakuru akimara kumenyekana RIB yahageze ndetse n’inzego za Polisi , nyuma bamaze gusobanurira n’abavandimwe baba basore bemeje ko mu gihe iperereza rigikomeje ryo kuba hamenyekana icyabishe , imirambo yabo yajyanwe mu bitaro bya Kibuye kugira ngo hamenyekane icyabishe.
Niyonkuru Florentine
