Perezida Museveni wa Uganda yabaye uwa mbere mu bakuru b’ibihugu bya EAC bemeje ko bazitabira irahira rya Perezida mushya wa Kenya, Dr William Samoei Ruto uteganijwe kuwa kabiri w’Icyumweru gitaha.
Ku munsi wo kuwa Kabiri tariki ya 6 Nzeri 2022 ,nibwo Urukiko rw’Ikirenga rwa Kenya rwemeje bidasubirwaho insinzi ya William Ruto, nyuma yo gutesha agaciro ikirego cyari cyatanzwe na Raila Odinga w’Ishyaka Azimio la Umoja wamushinjaga kumwiba amajwi mu matora yabaye kuwa 9 Kanama 2022.
Perezida Museveni yitangarije ko afata Dr Ruto nk’umuvandimwe we, ndetse akaba yavuze ko azitabira umuhango w’irahira rye. Perezida Museveni avuga ko yiteze ubufatanye na Perezida William Ruto buzageza umuryango wa Afurika y’Uburasirazuba ku iteramnbere no kwigira nyako.
Yagize ati:”Niteguye gukorana nawe mu gukomeza umubano ugamije iterambere ry’Akarere ka Afurika y’Iburasirazuba. Imana ihe umugisha abaturage ba Kenya.”
Umuhango w’Irahira rya Perezida mushya wa Kenbya William Samoe Ruto uteganijwe kuwa 13 Nzeri 2022, ukazabera kuri Sitade ya Kasarani. Biteganijwe ko ku munsi w’Irahira rye kizaba ari ikiruhuko mu gihugu cyose.
