Allain Guillome Bunyoni wahoze ari igikomerezwa mu butegetsi bw’Uburundi no mw’ishyaka CNDD-FDD riri ku Butegetsi mu Burundi , ashobora gushyirwa mu gihome nkuko byagendekeye Hussein Radjabu ku Butegetsi bwa Pierre Nkurunza.
Hussein Radjabu, nawe yahoze ari igikomerezwa mw’ishyaka CNDD-FDD ku gihe cy’ubutegetsi bwa Nkurinziza ,ndetse akaba yari n’umuyobozi mukuru wa CNDD-FDD.
Muri Mata 2007, yaje kwisanga mu gihome ashinjwa ubugambanyi no kwigomeka ku butegetsi bwa Petero Nkurunziza ,ariko kugira ngo impamvu yo kumufunga yumvikane neza, yaje no gushinjwa ibyaha birimo Ruswa no kunyereza umutungu w’Igihugu .
N’ubwo yaje kongererwa ibyaha, Hussein Radjabu wari umuyobozi w’Ishyaka CNDD-FDD, yari atangiye gukemangwa n’ubutegetsi bwa Nkurunziza, bumushinja kurema umutwe w’ingabo zigamije guhirika ubutegetsi, no gutuka Perezida Nkurunziza nyuma yo kumugereranya” nk’icupa ririmo ubusa”
Mu mwaka wa 2008, yaje guhamwa n’ibyo byaha byose ,maze akatirwa gufungwa imyakaka 13, ariko nyuma y’imyaka umunani, abura itanu gusa ngo arangize igihano cye mu mwaka wa 2015 yaje gutoroka gereza ya Mpimba, ari kumwe n’umucungagereza umwe, n’abandi bagororwa bagera kuri bane ,mu buryo bwatunguye cyane ubutegetsi bwa Nkururnziza
Muri iyi minsi, ibiri kuba kuri Gen Alain Guillaume Bunyoni wahoze ari Minisitiri w’Intebe w’Uburundi ,byenda gusa neza neza nk’ibyabaye kuri Hussein Radjabu nawe wahoze ari igikomerezwa mu Butegetsi bw’Uburundi.
Nyuma yo kwirukanwa ku mwanya wa Minisitiri w’Intebe akekwaho umugambi wo guhirika ubutegetsi bwa Evariste Ndayishimiye, kuri ubu hari ibindi byaha biri gutegurirwa Alain Guillaume Bunyoni, birimo ruswa no kunyereza umutungu w’igihugu kugirango atangire gukurikiranwa n’ubutabera.
Amakuru aturuka ku mboni yace iri mu Burundi no mubinyamakuru bitandukanye bikorera muri kino gihugu,yemeza ko Perezedi Evariste Ndayishimiye adashobora kubona agatotsi, Alain Guilaume Bunyi akidegembya ngo kuko isaha n’isaha akeka ko ashobora kumuhirika ku butegtetsi.
N’ubwo atabivuze mu buryo bweruye, Perezida Ndayismiye aheruka guca amarenga ashaka kugaragaza ko ,hari abantu bakomeye mu butegetsi bw’Uburundi bashobora kwisanga mu gihome kubera ibyaha bikomeye bakekwaho..
Benshi bahise bumva Alain Guillaume Bunyoni ubu usa n’ucungishijwe ijisho ndetse Akaba aheruka kwirukanwa ku mwanya wa Minsitri w’Intebe ,kubera gukekwaho umugambi wo guhirika ubutegetsi bwa Evariste Ndayishimiye.
HATEGEKIMANA Claude
Rwandatribune.com
