Nyuma yo gushyiraho umuvugizi wihariye mu bya politiki, ubuyobozi bw’umutwe wa M23 bwashyizeho umuvugizi wungirije mu bya Politiki akaba abaye uwa Gatatu.
Uwashyizweho nk’Umuvugizi Wungirije mu bya politiki ni Canisius Munyarugerero, nkuko bikubiye mu itangazo ryashyizwe hanze kuri iki Cyumweru tariki 11 Nzeri.
Iri tangazo rya M23, rivuga ko ubuyobozi bw’uyu mutwe bugendeye ku mahame n’inshingano byawo kuva washingwa, bemeje ko Canisius Munyarugerero aba Umuvugizi Wungirije mu bya politiki.
Uyu Munyarugerero azaba yungiriye Lawrence Kanyuka washyizweho tariki 31 Nyakanga 2022 ubwo uyu mutwe watangazaga ko ushyizeho umuvugizi wihariye mu bya politiki mu gihe hari hamaze iminsi harimo Maj Willy Ngoma wavugiraga impande zombi.
Iri tangazo ryasohowe kuri iki cyumweru, rivuga ko uyu muvugizi wungiriye mu bya politiki yashyizweho mu rwego rwo guha ingufu itumanaho rya M23.
RWANDATRIBUNE.COM
