Mazimpaka Wilson wamenyekanye nka Kanimba agiye kurushinga n’umukunzi we Uwase Delphine uzwi nka Soleil muri filime ya Bamenya bamenyekanyemo. Aba bombi bagiye kubana nk’umugabo n’umugore, umuhango wo gusaba no gukwa wabaye uyu munsi kuwa 17 Ugushyingo 2023 .
Mu ntangiriro z’uku kwezi nibwo Mazimpaka (Kanimba ) yanditse kuri konti ye ya Instagram asaba abafana be n’abakunzi ba filime muri rusange kuzabashyigikira mu rugendo rw’urugo bagiye gutangira.
Yakomeje asaba abafana babo ko bababa hafi ndetse bakabashyigikira murugendo bagiye gutangira ati’’ Kubana natwe ni inkunga ikomeye cyane ku wa 17 Ugushyingo 2023.”
Uretse BAMENYA,aba bombi basanzwe banahurira muri filime y’uruhererekane yitwa ‘Ganza’.
Soleil wabaye umunyamakuru muri za 2017, nawe yanditse kuri konti ye ya Instagram agira ati Mwese muratumiwe.
Muri filime Bamenya , Soleil akina ari umugore wa Kanimba kuva itangiye kugeza aho igeze ubu. Akina nk’umugore w’umunyamahane, kandi utorohera umugabo we bitewe n’uko mu bihe bitandukanye agaragaza ubushake bwo kumuca inyuma.
Kanimba akina nk’umugabo uhagaragara ku makosa ye! Mu bihe bitandukanye aca inyuma umugore we Soleil, akazana mu rugo Kecapu babyaranye, Keza bacuditse muri iki gihe kandi agenda amwereka ko ari we mugore mu rugo muri iki gihe.
Umutesi Jessica
