Imirwano ihanganishije inyeshyamba za M23 n’ingabo za Leta ya Congo FARDC yari imaze amasa 72 iri mu gahenge ariko kugeza ubu USA yasabye ko aka gahenge kiyongeraho ibyumweru bibiri, nta mirwano iri kuba.
Ibi byongeye gusabwa n’ibiro bya Perezida wa Leta zunze ubumwe z’Amerika nyma y’uko n’akambere kari kasabwe nabo, ibintu byari byabaye kuwa 11 Ukuboza.
Kuri uyu wa 14 Ukuboza humvikanye inkuru ivuga ko guhera kuri uyu wa 15 Ukuboza hagomba kuba agahenge mu mirwano iri kuba hagati y’umutwe w’inyeshyamba wa M23 n’ingabo za Leta ya Congo FARDC, aka gahenge kakaba kagomba kumara ibyumweru bibiri, ni ukuvuga iminsi 14.
Ibiro bya Perezida w’Amerika White House byanditse biti“Habayeho kubahiriza ariya masaha 72 y’agahenge dushimiye impande zombi. Twongeye kubasaba kubahiriza kandi aka gahenge k’igihe cy’Iminsi 14.”
Mw’ijoro rya keye Ambasaderi wa leta Zunze Ubumwe za Amerika, i Kinshasa, yari yashimiye abakuru b’ibihugu bibiri byo mu karere , perezida w’u Rwanda, Paul Kagame na Tshisekedi wa RDC, k’uruhare bagize ngo aka gahenge kagerweho.
Aka gahenge ni karamuka kubahirijwe kakaba kagomba gutangira kuri uyu wa 15 Ukuboza kuzageza nyuma y’ibikorwa by’amatora biteganijwe ko asigaje iminsi 5 ngo abe, ariko amakuru amwe akaba avuga ko ashobora no gusubikwa.
Adeline Uwineza
Rwandatribune.Com
