Umwe mu Bayobozi bakuru b’umutwe w’iterabwoba wa Al Shabaab yishwe n’ Igisirikare cya Leta ya Somalia gifatanyije n’icya Leta Zunze Ubumwe za Amerika (USA).
Ibi byatangajwe na Minisitiri w’Itumanaho wa Somalia, Daud Aweis, wemeje ko uyu murwanyi witwa Maalim Ayman, yiciwe hafi y’agace ka Jilib mu gitero gihuriweho cy’ingabo z’ibihugu byombi tariki ya 17 Ukuboza 2023.
Minisitiri Aweis yasobanuye kandi ko Ayman yagize uruhare mu bitero bitandukanye byagabwe muri Somalia no mu baturanyi.
Yagize ati “Ayman yagize uruhare mu gutegura ibitero by’iterabwoba muri Somalia no mu bihugu byo hafi yayo.”
Mu bitero Ayman avugwaho kugiramo uruhare harimo icyagabwe ku Banyakenya n’Abanyamerika ku birindiro by’ingabo zirwanira mu kirere muri Kenya tariki ya 5 Mutarama 2020.
