Kuwa gatanu hadutse nanone imirwano ikomeye hagati ya M23 n’ingabo za Congo zifatanyije na Wazalendo muri teritwari ya Masisi, mu gihe agahenge k’ibyumweru bibiri kasabwe n’Amerika kari katararangira.
Buri ruhande rwahise rushinja urundi ko rwarenze kuri ako gahenge. Abaturage bo mu bice bya Busumba no muri centre ya Bihambwe i Masisi bavuye mu byabo kubera imirwano, nk’uko umwe mu banyamakuru bigenga bakorera i Goma yabibwiye BBC.
Mu mashusho yaccikanyeku mbuga nkoranyambaga umwe mu bakuriye umutwe wa PARECO uri mu mitwe igize Wazalendo yavuze ko M23 ariyo yabateye kuwa kane mu birindiro byabo mu duce twa Bihambwe, Matanda na Busumba muri Masisi.
Bertrand Bisimwa, uyoboye M23 mubya politike rya M23 kuwa gatanu we yatangaje ibihabanye nabyo. Yatangaje ko kuva kuwa kane ibirindiro byabo byo muri Masisi byatewe n’ingabo za leta zifatanyije na Wazalendo.
Radio Okapi ivuga ko nyuma y’imirwano yo ku wagatanu, M23 yafashe ibice bya Matanda, Bihambwe na Busumba muri Masisi.
Imirwano muri Masisi mu buryo butunguranye yahise yubura nyuma y’umunsi w’amatora muri Congo. Aya ni amatora atarabaye muri teritwari za Masisi na Rutshuru nk’uko byemejwe na leta kuko henshi muri izi tweritwari hagenzurwa na M23.
Mu gihe izi mpande zombi zikomeje gushinjanya kurenga ku gahenge kari kemeranyijweho, kugeza ubu ntibizwi uwatangije imirwano mu gihe umwuka ukomeje kuba mubi kandi hakaba hari ubwoba ko imirwano ishobora gukomeza gufata indi ntera.
