Umugabo wo mu Ntara ya Mbera muri Tanzania wari usanzwe ari umwarimu, yishe umugore we n’abana babo babiri, na we ariyahura arapfa, imibiri yabo ikaba iza gushyingurwa uyu munsi ku wa Kane.
Uyu mugabo witwa Saimon Mtambo yapfuye ku myaka 44 aho yakoreye iki gikorwa kigayitse mu gace bari batuyemo mu Karere ka Rungwe muri uyu Ntara ya Mbeya.
Naho umugore we yishe yitwaga Fortunata Abraham akaba yitabye Imana ku myaka 36 akaba yishwe n’umugabo we ndetse n’abana babo babiri.
Uyu mugabo ukekwaho kwica umugore we n’abana babo babiri, na we yahise anyway imiti yica, na we ibye birangirira aho ahita yitaba Imana.
Umwana umwe yigaga mu mwaka wa kane w’amashuri abanza mu gihe undi yigaga mu wa kabiri.
Aya makuru kandi yanemejwe n’Umuyobozi w’Akarere ka Rungwe, Dr Vincent Anney.
Uyu muyobozi yavuze ko ubuyobozi bwasanze imibiri y’aba bantu yarangiritse dore ko haciye iminsi habaye iki gikorwa cy’ubugizi bwa nabi. Yavuze ko imibiri yabo ishyingurwa uyu munsi ku wa Kane tairki 15 Nzeri.
RWANDATRIBUNE.COM
