Nyuma y’Amatora yabaye kuwa 20 ukuboza 2023, amajwi akomeje kugenda abarurwa agace ku kundi. Ayaraye abaruwe akaba ari ayo muri Haut-Katanga, aho Moise Katumbi yanikiye Perezida Tshisekedi ku majwi 55,57 % naho Tshisekedi akagira 42,68%.
Ibi byatangajwe na CENI kuri uyu mugoroba wo kuwa Gatatu, tariki 27 Ukuboza 2023, mu Ntara ya Haut-Katanga, mu cyahoze cyitwa Katanga, aho Moïse Katumbi, yaje kwisonga, mu gihe Tshisekedi yaje amukurikiye.
Nubwo Katumbi yaje ku mwanya w’imbere muri iyi ntara, ariko bigenda bigaragara ko Perezida Félix Tshisekedi, ariwe uza kwisonga, mu bindi bice byagiye bitangazwa.
Mu ntara 26 zigize igihugu cya Repubulika ya Demokarasi ya Congo, 21 muri zo nizo CENI imaze gutangariza ibyavuye mu matora, Kandi Perezida Félix Tshisekedi, niwe wagiye agaragaza amajwi menshi, yagiye agararagara afite 77,34%, mu gihe Katumbi Moïse we aza ku majwi 17,18.
Abandi ba kandida barimo Martin Fayulu na Dr Denis Mukwege, baza ku majwi ari munsi y’icumi.
Amashirahamwe na banyapolitike batandukanye muri RDC, banenze Komisiyo ishinzwe gutegura Amatora ndetse bakomeje gusaba ko yoteshwa agaciro hakongera hagategurwa andi matora.
Biteganijweko tariki 31 Ukuboza 2023, aribwo Komisiyo ishinze gutegura amatora muri Repubulika ya Demokarasi ya Congo (CENI) , izatangaza bwa nyuma uzaba watsinze amatora yabeye kuwa 20 -22 Ukuboza 2023.
Adeline Uwineza
Rwandatribune.Com
