Nyuma y’amatora yabaye muri Repubulika iharanira Demokarasi ya Congo yabaye tariki 20/12/2023, komisiyo y’amatora yaraye ishyize hanze amajwi y’agateganyo yabaruwe aho Perezida Felix Tshisekedi afite 72.89%.
Uhanganye na Perezida Tshisekedi, Moïse Katumbi, umuherwe wigeze kuba guverineri w’intara ya Katanga aza ku mwanya wa kabiri n’amajwi 18.27%, naho Martin Fayulu agakurikiraho n’amajwi 5.20%.
Mu majwi y’agateganyo yatangajwe ejo, Perezida Tshisekedi afite amajwi miriyoni 11.6 kuri miriyoni 15.9 amaze kubarurwa na komisiyo y’amatora.
Biteganyijwe ko komisiyo y’amatora izatangaza ku mugaragaro ibyavuye mu matora mu buryo bwa burundu, ku munsi w’ejo tariki 31/12/2023.
Perezida Tshisekedi ari guhatanira kuyobora Congo muri manda ya kabiri, ahanganye n’abandi 18 batavuga rumwe nawe, basa n’abananiwe kwishyira hamwe kugira ngo bikuremo umukandida umwe utavuga rumwe n’ubutegetsi.
Mu bahanganye na Tshisekedi , babiri muri bo bamaze kwemera ko batsinzwe, aba ni Constant Mutamba, w’imyaka 35 ari na we ufite imyaka mike mu biyamamariza kuyobora Congo , hamwe na Tony Bolamba yahoze.
