Kuri uyu wa 6 Mutarama, umutwe w’Inyeshyamba wa Corneille Nangaa wakiriye uwahoze ari umuyobozi w’ishyaka rya PPRD, kugirango bafatanye kurwanya ubuhezanguni n’ubugome bw’Ubutegetsi bwa Perezida Tshisekedi.
Inyeshyamba za Corneille Nangaa uherutse gutangaza ko yiteguye guhangana n’Ubutegetsi bwa Tshisekedi uyu munsi ziri kubarizwa mu gace ka Masisi, agace karimo n’inyeshyamaba za M23 bivugwa ko bafatanyije urugamba.
NK’uko byatangajwe na Television Malayika ikorera I Lubumbashi biravugwa ko izi nyeshyamba hamwe na M23 biteguye guhangana n’ibyavuye mu matora kuko ari amahugu.
Izi nyeshyamba kandi zatangaje ko ziteguye guhashya uwariwe wese ushobora kubangamira uburenganzira bw’ikiremwamuntu muri Repubulika ya Demokarasi ya Congo.
Ibyo byatangajwe nyuma y’uko ibarura ry’amajwi yibyavuye mu matora y’umukuru w’igihugu ritangaje ko Tshisekedi umwe mu bakandika barenga makumyabiri ariwe wegukanye umwanya w’umukuru w’igihugu cya Congo.
Ibi kandi bije nyuma y’uko umuvugizi wa Guverinoma akaba na Minisitiri w’itangazamakuru muri Congo, atangaje mu ruhame ko biteguye guhangana n’uwariwe wese ushaka kwitambika ubutegetsi bwa Perezida Tshisekedi.
Adeline Uwineza
Rwandatribune.Com
