Umwanzuro wo kurega Komisiyo yigenga ishinzwe amatora wafashwe n’IShyaka rya Alliance Congolais Progressistes, ACP mu magambo ahinnye, bavuga ko yatesheje agaciro amatora y’abadepite harimo n’umukandida wabo, nyamara aya Perezida bakayareka.
Aya matora yabaye kuwa 20 na 21 Ukuboza 2023 abera rimwe n’ay’umukuru w’igihugu, ariko mu gihe cyo gutangaza by’agateganyo ibyavuye mu matora, batangaza ko habayemo uburiganya bityo ko bitagikunze.
Ni icyemezo cyatangajwe kuwa 05 Mutarama 2024, ubwo abanyagihugu benshi bari bategereje n’igishyika cyinshi amajwi agiye gutangazwa.
Mu ibaruwa basohoye irega CENI ku rukiko rurengera itegeko nshinga, bagize bati: “I Shyaka ryacu rya Alliance Congolais Progressistes (ACP), rifite umukandoda Ngombila Mbaka Getiny, turarega CENI, yatesheje agaciro umukandinda wacu.”
Bakomeje bavuga bati: “Twamaganye CENI yahinduye amajwi y’abadepite imfabusha, kandi baratowe n’abaturage.”
Ibi Kandi bibaye mu gihe abaturage benshi batishimiye uburyo amatora yagenze ku buryo baba bari gusaba ko yasubirwamo.
Adeline Uwineza
Rwandatribune.com
