Christie warumaze iminsi ahanganye na Trump mu mwanya wo kwiyamamariza kuyobora Leta zunze ubumwe za Amerika yahariye Trump uwo mwanya.
Chris Christie yahoze ayobora Leta ya New Jersey abarizwa mu Ishyaka ry’Aba-Républicains, we ubwe yemeye kuva mu bifuza kwiyamamariza umwanya w’Umukuru w’Igihugu muri Leta Zunze Ubumwe za Amerika abererekera Donald Trump babarizwa mu ishyaka rimwe rihora rihanganye n’iry’Aba-Démocrate.
Hari hashize iminsi Christie ashyirwaho igitutu n’abarwanashyaka bagenzi be, aho bagaragazaga ko bashaka kunga ubumwe bagashyigikira umukandida umwe uzabafasha guhangana n’Aba-Démocrate bari ku butegetsi ubu.
Ibi bibaye ku nshuro ya kabiri Christie akuye akarenge mu kwiyamamaza kuko n’ubushize mu 2016 yatsinzwe na Donald Trump.
Ariko n’ubwo uyu munyepolitiki yivanye mu matora ndetse akaba abarizwa mu ishyaka rimwe na Donald Trump, ntacana uwaka n’uyu wahoze ari Perezida wa Amerika ku buryo yanagaragaje ko azakora uko ashoboye kose ngo ntagere ku butegetsi.
Niyonkuru Florentine
Rwandatribune.com
