Imvura ivanze n’umuyaga yaguye mu Karere ka Musanze ku mugoroba w’ejo ku Cyumweru, yasakambuye amacumbi icyenda y’abarimu, inasenya inzu y’umuturage, yangiza n’imyaka.
Imvura yari irimo n’urubura yangije imyaka y’abaturage, inasenya zimwe mu nzu zabo mu Kagari ka Kabushinge mu Murenge wa Rwaza mu Karere ka Musanze.
Imyaka yangiritse cyane ku bwinshi yiganjemo urutoki rwaguye, ibigori n’ibindi.
Iyi mvura yahise inafunga imihanda yahagaritse urujya n’uruza rw’ibinyabiziga.
Abagizweho ingaruka n’ibiza bahumurijwe ndetse hari gukorwa ibarura ngo hamenyekane umubare w’ibyangiritse.
