Perezida w’Inteko Ishinga Amategeko umutwe wa Sena, Dr Iyamuremye Augustin yageze i Bujumbura mu Burundi mu nama y’iminsi ibiri.
Perezida wa Sena y’u Rwanda yageze i Burundi kuri iki cyumweru tariki 18 Nzeri 2022 aho yitabiriye inama y’umuryango wa za Sena z’Ibihugu z’Ibihugu byo muri Afurika n’izo mu by’Abarabu uzwi nka ASSECAA.
Nkuko Sena y’u Rwanda yabitangaje kuri Twitter yayo, ivuga ko Dr Iyamuremye azaboneraho no gutumira ba Perezida w’Inteko Zishinga Amategeko zihuriye muri uyu muryango wa ASSECAA mu ihuriro mpuzamaha rya Sena rizabera mu Rwanda hagati ya tariki 11 na 15 Ukwakira 2022.
Ivuga kandi ko iyi nama ibera i Burundi kuva kuri uyu wa 19 kugeza ku ya 20 Nzeri 2022 izaganirirwamo ingingo zinyuranye zirimo kureba uko Ibihugu byakomeza guhangana n’ingaruka za COVID-19.
Nanone kandi ba Perezida ba Sena zihuriye muri ASSECAA bazanarebera hamwe uko Ibihugu byahangana n’ingaruka zatewe n’intambara ihuje u Burusiya na Ukraine na yo yasubije inyuma ubukungu bw’Isi byumwihariko igateza ibura rya bimwe mu bicuruzwa bikunze gukenerwa na benshi.
RWANDATRIBUNE.COM
