Umutwe wa M23 urigamba kumanura Drone y’indwanyi y’igisilikare cya Leta mu gihe Minisitiri w’ingabo yari mu mujyi wa Goma
Abinyujije ku rukuta rwa X rwahoze rwitwa twitter Lawrence Kanyuka Umuvugizi wa M23 ishami rya Politiki yagize ati:kuri uyu mugoroba saa kumi n’imwe igisilikare cyacu cyongeye guhanura indege itagira umupilote y’indwanyi yari yoherejwe n’ingabo za FARDC kuturasaho mu gace ka Kibumba.
Uyu Muvugizi kandi yakomeje kuvuga ko bashimishijwe cyane ,kuba iyo ndege yahanuwe kuko umutwe wa M23 wahoreye abavandimwe bawo bari bamaze iminsi baraswaho n’utwo tudege.
Abasesenguzi mu by’umutekano bavuga ko iyi ari drone ya kabiri yo mu bwoko bwa CH-4B ihanuwe ,izi ndege ikaba ihagaze muri miliyoni ebyiri z’Amadorali y’Amerika ikaba yarakorewe mu Bushinwa.
Ihanurwa ry’ako kadege ka CH-4B Uyu mutwe uvuga ko byakojeje isoni ingabo za Leta FARDC,SADEC n’Abacancuro mu maso ya Minisitiri w’ingabo Jean Pierre Bemba wari mu ruzinduko rw’akazi mu mujyi wa Goma.
Mwizerwa Ally
