Umupolisi wari mu muhango wo gusezera ku Mwamikazi Elizabeth II, yaguye igihumure, ahita ajyanwa kwa muganga igitaraganya.
TMZ ivuga ko uyu mupolisi yaguye mu muhango wabaye mu gitondo cyo kuri uyu wa Mbere tariki 19 Nzeri 2022.
Umupolizi waguye yari hafi cyane y’ahari umugogo mu nzu ngari y’i London, akaza kwikubita hasi.
Iki kinyamakuru kivuga ko uyu mupolisi yatangiye atitira ubwo abarinzi bariho bahindura imyanya barimo, ari nabwo yaguye hasi.
Abapolisi babiri bahise baza baramufata bahita bamujyana kwa muganga kugira ngo ahabwe ubutabazi bwihuse, gusa kugeza ubu amakuru y’uko amerewe ntaramenyekana.
Ku wa Gatatu w’Icyumweru gishize nabwo hari mugore w’imyaka 41 witwa Gabriella Windsor akaba mubyara w’Umwamikazi Elizabeth II waguye hasi muri ibi bikorwa byo gusezera Umwamikazi.
Umugabo we witwa Thomas Kingston, yahise yihutira kumuha ubufasha bwihuse ndetse avuga ko yaje gusubira mu murongo gusa ngo ibyaberaga muri uwo muhango byose yarabyibagiwe.
RWANDATRIBUNE.COM
