Jenerali Majoro Chicko Tshitambwe yagizwe umuyobozi w’ibikorwa bya gisirikare mu ntara ya Kivu y’amajyaruguru yibasiwe n’amakimbirane.
Uyu niwe utegerejweho gufasha igisirikare cya Congo kugera ku ntsinzi mu ntambara gihanganyemo na M23 mu burasirazuba bwa Repubulika Iharanira Demokarasi ya Congo.
Ibi byatangajwe ku mugaragaro n’umuyobozi mukuru wa Etat Major, Jenerali Christian Tshiwewe.
Chico Tshitambwe wabaye umuyobozi w’abajepe barinda Perezida Tshisekedi, si ubwa mbere yoherezwa mu bikorwa birimo kurwanya no gushaka kurandura M23.
Jenerali Tshitambwe asimbuye Jenerali Fall Sikabwe kuri uyu mwanya.
