Abimukira bagera 8,600 baphiriye mu nzira bataragera mu bihugu bashakagamo ubuhungiro nk’uko Umuryango Mpuzamahanga ufite munshingano abimukira(IOM) ubitangaza.
Umuryango Mpuzamahanga ushinzwe Abimukira watangaje ko, mu mwaka wa 2023, abimukira bagera ku 8,565 bapfiriye mu nzira bagana mu bihugu bitandukanye aho bashaka ubuhungiro.
Uyu mubare w’mpfu wiyongereyeho 20% ugereranyije n’izabaye mu mwaka wa 2022.
Hari abishwe n’amazi barohamye mu nyanja, abakoze impanuka ndetse n’ababuriwe irengero.
Umuryango Mpuzamahanga ushinzwe Abimukira (IOM) uvuga ko hakwiye kugira igikorwa mu maguru mashya kugira ngo hakumirwe imfu nk’izo ku bimukira.
Umuyobozi Mukuru wungirije muri uyu Muryango IOM Ugochi Daniels, yagize ati: “Iyi mibare y’Abimukira babura iteye impungenge, Iratwibutsa ko tugomba gushyiraho ingamba zikomeye zishobora gufasha abantu kwimuka mu mutekano.”
Hashize imyaka icumi hatangijwe umushinga wo gushaka abimukira babura.kuva 2014 nibwo hapfuye abimukira benshi ugereranyije.
Imibare igaragaza ko muri 2022 abimukira bapfiriye mu nzira bari 7,141, mu 2021 bari 6,201, mu 2020 bari 4,302, mu 2019 bari 5,318, mu 2018 bari 5,008, mu 2017 bari 6,290, mu 2016 bari 8,084, 2015 bari 6,750 mu gihe mu 2014 abapfuye bari 5,548.
Inzira zemewe zo kujya gushakira ubuzima mu bindi bihugu zikomeza kuba nke bigatuma abantu ibihumbi banyura mu nzira zishyira ubuzima bwabo mu kaga.
Hafi ya kimwe cya kabiri cy’abantu bapfuye bazize kurohama, icyenda ku ijana bazize impanuka z’imodoka, naho barindwi ku ijana bakorewe ihohoterwa nk’uko amakuru dukesha imvaho abitangaza.
Florentine Icyitegetse,
Rwandatribune.com
