Igihugu cya Tanzania cyashyizwe mu majwi kuba cyarafatiye Eric Nkuba Shebandu alias Malembe gihita kimwohereza iKinshasa .
Igisirikare cya Repubulika Iharanira Demokarasi ya Congo (FARDC), cyatangaje ko cyataye muri yombi Eric Nkuba Shebandu alias Malembe wari umujyanama mu bya politiki wa Corneille Nangaa uyobora ihuriro Alliance Fleuve Congo ribarizwamo umutwe wa M23.
Umuvugizi wa FARDC, General Major Sylvain Ekenge ubwo yamwerekaga itangazamakuru, yavuze ko yafashwe n’Ingabo zo mu mutwe udasanzwe za RDC, n’ubwo andi makuru avuga ko yafatiwe muri Tanzania n’inzego zishinzwe abinjira n’abasohoka muri iki gihugu mbere yo kubushyikiriza Congo.
Amakuru Rwandatribune.com ifite nuko hasize iminsi irenga 60 ,uyu Eric Nkuba Shebandu alias Malembe atawe muri yombi n’inzego z’ubutasi bwa Tanzania, ubwo yavaga Uganda yerekeza muri icyo kigo akaba yarafatiwe mu murwa mukuru Dar Es Salaam ahita yoherezwa i Kinshasa,ku bw’aya makuru yagiye hanze ntacyo uruhande rw’ihuriro AFC ruratangaza.
Uwineza Adeline
