Imirwano imaze iminsi 2 mu gace ka Cambombo gaherereye muri Teritwari ya Kalehe ,Lt.Col Kaduruvayo wa FDLR na Col.Benibebahungiye i Gatoyi
Isoko ya Rwandatribune iri mu gace ka Bushaku ,Teritwari ya Kalehe ivuga ko hasize iminsi mu gace ka Cambombo havugwa imirwano ikaze ihanganishije umutwe wa M23 n’ingabo za FARDC zifatanyije na Wazalendo,FDLR na FLN.
Umutangabuhamya avuga ko ari ubwa mbere inyeshyamba zirwanya Leta y’uRwanda zikoreye hamwe mu kurwanya umutwe wa M23 aha akaba yavugaga ubufatanye mu bya gisilikare hagati ya FDLRna FLN,uyu mutangabuhamya yakomeje avuga ko biboneye abarwanyi ba FLN bayobowe na Col.Benibe bari kumwe n’inyeshyamba za FLDR ziyobowe na Lt.Col Kaduruvayo,abarwanyi ba FDLR bakaba baraturutse muri Segiteri yitwa Kanani iyoborwa na Col.Marinete.
Andi makuru akomeza avuga ko muri iki gitondo imirwano yakomeje abarwanyi bakaba batewe imbaraga n’ingabo z’uBurundi zaje zivuye mu mujyi wa BUkavu,hagati aho abaturage bivanze na bamwe mu ba wazalendo bariguhungira mu gace ka Gatoyi,twashatse kumenya iby’iyo mirwano duhamgara Umuvugizi wa FARDC Lt.Col.Ndjike Kaiko ariko ntitwamubona kugera ubwo twandikaga iyi nkuru.
Mwizerwa Ally
