Umuyobozi w’ungirije, akaba n’umuvugizi w’ishyaka ritavugarumwe n’ubutegetsi bw’u Burundi, Sahwanya Frodebu Phénias Nigaba aravuga ko amatora ateganijwe kuba mu mwaka utaha wa 2025 ashobora kuzabamo uburiganya bukomeye; kubera ko nta ndangamuntu n’ ikarita by’itora bikozwe mu buryo bw’ikoranabuhanga rigezweho.
Ni impungenge ashingira ku kuba Ikigo kitegamiye kuri leta gishinzwe gutegura amatora mu Burundi CENI cyatangaje ko ibikorwa byo gutegura amatora bizashingira ku mibare y’amatora ya 2020.
Ikindi Nigaba agararagaza ngo ni uko iki kigo gishinzwe gutegura amatora mu Burundi CENI na none ngo kirimo gukora nta tegeko rigenga amatora bafite, ashingiye kuri ibyo byose Nigaba akemeza ko ntakizere nagitoya bafitiye ayo matora!
Phénias Nigaba agira ati:«Biratangaje cyane kubona Komisiyo y’amatora mu Burundi CENI ikora nta tegeko rigenga amatora bafite ibyo bari gukora byose nta mategeko bari kwisunga. Ikindi nuko nta karita ndangamuntu ikozwe mu buryo bw’ikoranabuhanga rigezweho ku buryo idashobora kwiganwa”.
Ati: “Nkubu hari umuntu usanga afite indangamuntu zirenze imwe, ebyiri cyangwa eshatu aho ashobora gutora inshuro zirenze imwe, ivyo rero bishobora kudatanga ikizere kubyaba byavuye muri ayo matora ateganijwe.»
Mu nama yateguwe n’umuyobozi mukuru w’ ikigo kidashamikiye kuri leta gishinzwe gutegura amatora mu burundi Prosper Ntahorwamiye yateranye tariki 17 Gicurasi ari kumwe ba ndi bashinzwe gutoresha bavuze ko ikarata ndangamuntu ikozwe mu buryo bw’ikoranabuhanga rigezweho bita Biométrie itazokoreshwa mu matora ya 2025 ahubwo ko hazakoreshwa iyisanzwe ihari.
Ikindi iyi nama yagarutse ho ngo nuko amatora ya 2025-2027 azategurwa bashingiye ku ikarita nshyashya y’igihugu igizwe n’intara 5 mu gihugu.
