Abashakashatsi b’Abahanga bo muri kaminuza ya Warwick mu gihugu cy’ u Bwongereza bavuga ko bari mu itsinda mpuzamahanga ry’abantu bavumbuye undi mubumbe ungana n’Isi umuntu ashobora guturaho.
Mu bikorwa bakoranye n’ikigo cy’ Ubushakashatsi bwo mu kirere NASA cyo muri Amerika hamwe n’ikigo cyo mu Bulayi gikora ubushakashatsi mu kirere (European Space Agency, ESA), bavuga ko uyu mubumbe uzwi kw’izina rya Gliese 12 b ufite ubushuhe bungana n’ubwagaragaye mu Bwongereza muri 2022 ubwo iki gihugu cyaterwaga n’ubushuye bwinshi, kandi ukaba ari umwe mu mibumbe y’urutare aho abantu bashobora gutura.
Iyi kaminuza ivuga ko kubera uyu mubumbe uri ku ntera y’ibiromereto bikabakaba Miliyari 400 uvuye ku mubumbe w’Isi dutuyeho, ibi bisobanura ko uri kure cyane ku buryo bitoroshye kumenya imiterere yawo mu buryo bwimbitse.
Dr Thomas Wilson, umuhanga mu bijanye n’imibumbe, wo kuri iyi kaminuza ya Warwick, yagize ati: “Ni ukuri iri ni ivumbura rishimishije kandi rizafasha ubushakashatsi bwacu ku byerekeye imibumbe isa n’uyu w’Isi mu mibumbe n’indi mibumbe izunguruka izuba”
Uyu mubumbe ufite ubushuhe bugera kuri dogere selisiyusi 42C ariko, aba bahanga bavuga ko badashobora kumenya neza uburyo ikirere cyawo giteye, niba kinahari ndetse n’uko cyaba kimeze.
Aba bashakashatsi bemeje ko uyu mubumbe azunguruka izuba iminsi 12.8 mu gihe uyu wacu dutuyeho izenguruka izuba mu gihe kingana n’iminsi 360 kandi ufise uburinganire bunganga n’ubw’Isi.
Iri tsinda ry’abashakashatsi wakoresheje amakuru yegeranijwe n’ibibyogajuru by’ibigo NSA na ESA mu kwemeza ukubaho kw’uyu mubumbe n’ibiwugize nk’ubushuhe, uburinganire, n’intera uriho uvuye ku mubumbe w’Isi.
Dr Wilson yagize ati: “Ikiryoshe gusumba ibindi, ni uko uyu mubumbe ari wo wa mbere wegeranye cyane n’Isi mu buringanire n’ubushuhe bushobora kuba buri ku migabane tuzi.
“Imibumbe nka Gliese 12 b ni mike cyane kandi iri kure cyane, rero kuri twebwe, kugira ngo dushobore kwiga umwe gusa mu buryo bwimbitse kugira ngo tumenye ibijanye n’ikirere n’ubushuye byawo ni ibintu bidakunze kuba.
Larissa Palethorpe, umwe mu bakoze ubu bushakashatsi akaba ari n’umunyeshuri urimo kwigira impamyabumeyi ku rwego rwa Doctorat kuri kaminuza za Edinburgh na University College London mu Bwongereza, avuga ko ari wo mubumbe ” wonyene rutoki ” ushobora gukorerwaho ubushakashatsi bwimbitse mu bijyanye n’amasomo ya kaminuzamu rwego rwo kumenya ibintu bimwe na bimwe ku kuntu ibizungurutse izuba byagiye bibaho.
Yongeraho ati: “Isi iracyari umubumbe ikiremwamuntu gishobora kubaho, ariko Venus ntibishoboka kubera nta mazi ifite. Ikirere cya Gliese 12 b gishobora kutwigisha byinshi ku bijanye n’ukuntu imibumbe yagiye igira ibintu bishobora gutuma umuntu ahaba uko yagiye ihinduka”.
Rwandatribune.com
