Ibitero byo mu kirere kuri M23 bikomeje kwibasira ibirindiro bitandukanye bya M23 twa Kanyangohe na Musheberi
Amakuru Rwandatribune Ikesha amasoko yayo ari iBukombo avuga ko guhera kuwa gatanu taliki ya 14 Kamena 2024,mu rukerera Ingabo za Leta zatangije ibitero kuri M23 ku birindiro byayo biri ahitwa Kanyangohe na Musheberi,ibyo byangije ntibiramenyekana.
Umwe mu bayobozi b’ingabo za FARDC mu mujyi wa Goma utashimye ko amazina ye atangazwa yavuze ko ubwo indege ntoya yabo ya Drone yageraga Kanyangohe yakoze akazi gakomeye ariko mu kugaruka iraswaho n’imbunda ikomeye batamenye ubwoko bwayo,ku buryo iyo drone yageze ku kubuga cya Kavumu yangiritse bikomeye.
Agace ka kanyangohe na Musheberi gaherereye muri Gurupoma ya Bukombo,Teritwarei ya Rutchuru,muri Kivu y’amajyaruguru,ni kamwe mu duce tuvugamo aba Wazalendo benshi.
Mwizerwa Ally
