Brig Gen Andrew Nyamvumba, Umuyobozi w’ishuri nk’iri ry’ Igisirikare cy’u Rwanda, ndetse Comdt RDFCSC, Attaché militaire muri ambasade y’u Rwanda, Col Ruzindana ni bamwe mu bitabiriye uwo muhango
Kuri uyu wa Kane, itariki 27 Kamena 24, ba ofisiye ba RDF, Maj Corneille Ntaganira na Maj JDD Nkubiri, bahawe impamyabumenyi mu ishuri rikuru ryo kuyobora ingabo n’abakozi (Senior Command and Staff College) rya Uganda riherereye i Kimaka. Uyu muhango witabiriwe na Brig Gen Andrew Nyamvumba, Umuyobozi w’ishuri nk’iri ry’ Igisirikare cy’u Rwanda, ndetse Comdt RDFCSC, Attaché militaire muri ambasade y’u Rwanda, Col Ruzindana na Lt Col B Mpamira, ukuriye abakozi muri RDF Command and Staff College.
Minisitiri w’ingabo wa Uganda, Hon. Sarah Mateke Nyirabashitsi, ubwo yari ayoboye umuhango wo gutanga impamyabumenyi ku basirikare bakuru 50 bo mu cyiciro cya 19 / 23-24 mu Ishuri rikuru rya Command and Staff College (SCSC) Kimaka mu mujyi wa Jinja, yavuze ko kwigira hamwe kw’ibisirikare by’ibihugu bitandukanye by’inshuti byongera imyumvire imwe mu guhangana n’ibibazo mpuzamahanga n’ibyaha byambukiranya imipaka.
Minisitiri yashimangiye ko ejo hazaza ha Uganda hashingiwe ku bushobozi ifite bwo gukemura ibibazo bishya by’umutekano, bifatika, kandi bigaragara. Yashimangiye ko Minisiteri y’Ingabo yiyemeje guharanira no gushimangira umutekano w’igihugu, nk’ikintu cya ngombwa mu guhindura imibereho n’ubukungu by’igihugu.
Yakomeje agira ati: “Minisiteri y’ingabo ishinzwe gushaka ubushobozi bwo guhangana n’ibibazo bya gisirikare ndetse n’ibitari ibya gisirikare kandi ihuza imikorere n’amahanga n’ubushobozi bw’abakozi bwo gukorera hakurya y’imipaka hagamijwe amahoro n’ituze.
Yashimangiye uruhare rw’umutekano mu kuzamura ubukungu n’iterambere. Ati: “Umutekano ni inkingi y’ingenzi y’iterambere igomba kubungabungwa kugira ngo ujyane n’ibibazo by’umutekano bihinduka.
Mbere, ku itariki ya 25 Kamena 2024, mu ngoro ya Perezida i Entebbe, Perezida akaba n’Umugaba w’Ikirenga wa UPDF yasabye abahawe impamyabumenyi gukomeza kurinda igihugu politiki z’amacakubiri zibangamira iterambere, ahubwo bakakira inyungu.
Abahawe impamyabumenyi bagizwe n’abasirikare bakuru baturutse mu Burundi, Kenya, Malawi, u Rwanda, Afurika y’Epfo, Sudani y’Epfo, Tanzaniya, ndetse n’igihugu cyakiriye, Uganda.
Mwizerwa Ally
Rwandatribune.com
