Gen Ndaruhutse Dominique wa CMC/FDP yasizwe mu majwi kuba ariwe uri inyuma y’urupfu rw’umugore wa Nyakwigendera Munyamariba Emmanuel
Mu kwezi kwa Werurwe 2023 nibwo uwari Depite Munyamariba Emmmanuel yarasiwe mu gace ka Keshyero mu mujyi wa Goma,icyo gihe urupfu rwa Munyamariba rwasizwe k’umutwe wa Jules Mulumba usanzwe ari Umuvugizi wa Wzalendo muri Repubulika iharanira demokarasi ya Congo.
Kw’italiki ya 03 Ukwakira 2024 nibwo abagizi ba nabi binjiye mu rugo rwa Nyakwigendera Munyamariba Emmanuel ruherereye mu gace ka Keshero bakinguza umugore we bamukubita amasasu atatu mu gahanga arapfa,aya makuru kandi yemejwe n’Umunyamakuru ukomeye muri Congo Micombero Batubenga yemeje urwo rupfu akaba asaba ko hakorwa iperereza.
Munyamariba Emmanuel wahoze ari Umukuru w’ihuriro ry’Abahutu muri Congo nawe akaba yarishwe urupfu nkurwo ,urupfu rw’umugore we rukaba rushirwa k’uwitwa Gen Dominique Ndaruhutse Komanda w’icyama cya CMC/FDP.
Mwizerwa Ally
Rwandatribune
