Frank Diongo yasabye Leta ko bakemuza ibibazo ibiganiro aho guhora mu ntambara zidashira

Frank Diongo, umuyobozi w’ishyaka ritavuga rumwe n’ubutegetsi bwa DRC ( MLP) yashimangiye ko ikibazo kiri hagati ya DRC n’inyeshyamba M23  kizakemurwa n’ibiganiro, aho kwifashisha intambara.

Uyu muyobozi we avuga ko ikibazo cy’umutekano muke uri muburasirazuba bwa DRC kidashobora gukemurwa n’intambara kurusha uko habaho ibiganiro bigamije amahoro. Yavuze ko guhora iteka ingabo zihanganye na M23 bikurura ibindi byago birimo no kubura ubuzima bw’inzirakarengane.

Yashimangiye ko igisubizo kitazava Iburayi cyangwa se muri Amerika, kuko igisubizo kiri imbere mu karere.yavuze ko kugira ngo ukemure ikibazo cy’umutekano muke uri muri DRC ugomba kubanza ugakuraho icyatumye ayo mahoro abura.

Uyu muyobozi akomeza avuga ko kugirango ibi birangire mbese bibe nk’amateka, hagomba kubanza gukemurwa icyatumye izi ntambara zivuka cyangwa se nyirabayazana.

Uburasirazuba bwa DRC bwiganjemo imitwe myinshi y’inyeshyamba zihungabanya umutekano w’abaturage, imwe yagiye ibaho murwego rwo kurwanirira ubwoko bwabo, indi yavuye mubihugu bituranye na Congo nka ADF , umutwe w’inyeshyamba ukomoka muri Uganda ukunze kwica inzirakarengane nkinshi muri Kivu y’amajyaruguru, twavuga kandi FDLR umutwe urwanya Leta y’u Rwanda , nti twakwirengagiza kandi RED Tabara umutwe urwanya Leta y’u Burundi. Iyi mitwe yose yiyongeraho indi irenga 200 y’abanye Congo kavukire , batajya baha amahoro abatuye muri iyi ntara.

Yasabye Leta ya DRC gukemura ikibazo aho kujya kugirana ibiganiro na Leta y’u Rwanda nk’iherutse kubera muri Amerika byari bihagarariwe na Perezida w’Ubufaransa.

Umuhoza Yves