Update: Umujyi wa Kiwanja umaze gufatwa na M23,mu gihe iKibumba imirwano ikomeje

Inyeshyamba za M23 zamaze kwigarurira Umujyi wa Kiwanja nyuma y’ imirwano ikomeye mu gihe Kibumba irikuraswaho ibisasu bya muzinga.

Imirwano irarimbanyije muri Teritwari ya Rutshuru ,aho mu gitondo cyo kuri uyu munsi, imirwano ikomeye yumvikanyemo imbunda nini ndetse n’ibifaru by’ingabo za Leta zageragezaga kurwana ku mujyi wa Kiwanja kugirango udafatwa

Isoko y’amakuru ya Rwandatribune iri ahitwa Nyongera ivugako saa tanu ,n’igice ingabo za Leta FARDC zasohotse muri uyu mujyi zerekeza ahitwa mabenga.

Umunyamakuru wacu uri Goma avugako kuri ubu ibisasu bya muzinga biriguterwa muri gurupoma ya Kibumba ni mu ntera ya 15km ujya mu mujyi wa Goma, turakomeza kubagezaho amakuru y’iyi mirwano isaha ku yindi.

Mwizerwa Ally