Ikiganiro Visi Perezida wa mbere wa DRC Eddy Mundela Kanku yagiranye na mugenzi we wo mubushinwa Ding Zhongli , yamusabye ko babavuganira mu muryango w’abibumbye, kugira ngo inyeshyamba za M23 zabafatiye igihugu zikivemo byihuse.
Ibi yabigarutseho ubwo yahamyaga ko igihugu cyabo cyatewe n’igihugu cy’abaturanyi cy’u Rwanda, rwaje rwihishe inyuma y’inyeshyamba za M23, ari ukugira ngo babone uko basahura igihugu cya DRC.
Uyu mugabo weruye agashinja u Rwanda kubiba amabuye y’agaciro, yasabye igihugu cy’ubushinwa nka kimwe mubihorana umwanya mu kanama k’amahoro, kuba kuruhande rwabo kandi bakabafasha gushinja u Rwanda ubushotoranyi.iki kiganiro cyabaye kuri uyu wa 04 ugushyingo nk’uko bitangazwa na Radiyo Okapi cyasoje impande zombie zemeranije ubufatanye burambye, no guteza imbere umubano wabo.
Uyu mugabo yagaragaje rwose ko bashaka kwirukana inyeshyamba za M23 zikabavira mu gihugu, ndetse anasaba ubufasha bwihariye bw’iki gihugu cy’Ubushinwa ubwacyo.
Umuhoza Yves
