Nyuma y’uko Perezida Faustin Archange Touadera agize impanuka akagwa ndetse agakomereka bikomeye, bikananavugwa ko yaba yagiye kuvurirwa mu Rwanda, Umuvugizi wa perezida muri Centrafrique yahakanye aya makuru avuga ko atigeze ajya mu Rwanda.
Umuvugizi wa perezida, Albert Yaloke Mokpem, yakomeje avuga ko yatunguwe n’ayo makuru ngo kubera ko perezida ari mu kazi ke i Bangui.
Ati: “Perezida ubu ageze mu biro bye. Amakuru yatangajwe na Corbeau News ni ikinyoma kandi arayireba ubwayo. Twatunguwe n’amakuru nk’ayo.”
Radio Ndeke Luka, yavuze ko kuwa mbere tariki 14 Ugushyingo abanyamakuru bayo babonye perezida i Bangui, umunsi umwe nyuma y’uko bivuzwe ko yajyanywe mu Rwanda.
Iki gihugu gifitanye umubano ukomeye n’u Rwanda dore ko ingabo z’u Rwanda zagiye gufasha izo muri iki gihugu guhashya inyeshyamba zari zararembeje abaturage bo muri iki gihugu, ndetse na Leta itari igihumeka kubera ibikorwa by’izi nyeshyamba.
Uwineza Adeline
